सुनको मूल्यमा लगातार वृद्धि देखिन थालेको छ। मंगलबार पनि स्थानीय बजारमा सुनको मूल्य बढेको छ।
मंगलबार सुन प्रतितोला चार हजार नौ सय रूपैयाँले बढेको छ। यस दिन सुन दुई लाख ४६ हजार ४ सय रूपैयाँमा किनबेच भएको नेपाल सुनचाँदी व्यवसायी महासंघले जनाएको छ।
मंगलबार चाँदीको मूल्य पनि बढेको छ। अघिल्लो दिनको तुलनामा प्रतितोला एक सय पाँच रूपैयाँले मूल्य बढेर चाँदी तीन हजार एक सय ७० रूपैयाँमा कारोबार भइरहेको छ।
अन्तर्राष्ट्रिय बजारमा मंगलबार सुन प्रतिऔंस चार हजार एक सय ३६ अमेरिकी डलरमा कारोबार भइरहेको छ।
