“अभागी सभागी” र “अन्तिम भेट” रिलिज हुँदै

ओके टि भि नेपाल २०८१ कार्तिक २३, शुक्रबार ०९:०१

काठमाडौं : त्यसो त, पछिल्लो समय दैनिकजसो दजनौं बढी गीतहरु रिलिज हुने गर्छन् । रिलिज भएका कमै गीतले दर्शक स्रोताको साथ पाउँछन् । कमै गीतले मात्र दर्शक स्रोताको मन जित्ने गर्छन् । झन सुन्दा कान र हेर्दा आँखालाई आनन्द दिने गीतहरु त निकै कम हुने गर्छन् ।

यसैबीच, कान र आँखालाई आनन्द दिने २ वटा गित बजारमा आउने भएको छ ।पछिल्लो समय धेरैको मन मुटुमा बसेका चर्चित गायक सन्तोष बि.सि. र कोपिला तामाङ वाईवाको स्वर रहेको नयाँ गीत “अभागी सभागी ” र गायक कुमार चौलागाई र कोपिला तामाङ वाईवाको स्वर रहेको “अन्तिम भेट ” रिलिज हुँदैछ।

सन्तोष बि.सि. , कोपिला तामाङ वाईवा र उपमा थपलियाको स्वर रहेको “अभागी सभागी ” गीतमा सम्भु नेपालको लय र शब्द अनि सन्तोष बि.सि.को संगीत रहेको छ भने नारायण दंगालको एरेन्ज रहेको छ।

निर्देशक उमेश कार्कीको कथा र निर्देशन भिडियोमा रहेको छ। भिडियोमा आर्यन कार्की र आशा बि.सि लगायत अन्य कलाकारहरुको उत्कृष्ट अभिनय भित्र म्युजिक भिडियो निर्माण भएको छ साथै भिडियोलाई रोशन धितालले सम्पादन गरेका छन् ।

त्यस्तै, कुमार चौलागाई र कोपिला तामाङ वाईवाको स्वर रहेको “अन्तिम भेट ” गीतमा पनि सम्भु नेपालको लय र शब्द अनि कुमार चौलागाईको संगीत रहेको छ भने नारायण दंगालको एरेन्ज रहेको छ।

यस अघि पनि धेरै गित संगित बजारमा ल्याएका कुमार चौलागाई र सन्तोष बि.सि. को गितहरुले दर्शकको मन जित्न सफल भएका छन् ।ओके टिभि नेपाल सँगको कुराकानीमा अब आउने यो गित“अभागी सभागी ” र “अन्तिम भेट ”ले पनि दर्शक श्रोताको मन जित्नेमा विश्वस्त रहेको चौलागाईले बताएका छन् ।