बालिकाको आत्महत्या दुरुत्साहन मुद्दामा शिक्षक पक्राउ

सिन्धुपाल्चोक-आत्महत्या गर्न बाध्य पारेको आरोपमा प्रहरीले एक जनालाई पक्राउ गरेको छ। सुनकोसी गाउँपालिका–२ ठोकर्पाको १५ वर्षीया बालिकाको आत्महत्या दुरुत्साहन मुद्दामा सोही गाउँका ‘मनोज’ भनिने निरन कार्कीलाई प्रहरीले पक्राउ गरेको हो।

प्रहरीले उनी माथि आत्महत्या दुरुत्साहन मुद्दामा सिन्धुपाल्चोक जिल्ला अदालतबाट पाँच दिनको म्याद थपेर अनुसन्धान सुरु गरेको छ।ठोकर्पा मा बिका अङ्ग्रेजी शिक्षक रहेका निरन कार्कीले आफ्नै छात्रा सन्ध्या रोक्कालाई प्रेम जालमा पारेर मानसिक, शारीरिक यातना दिई सामाजिक सञ्जालबाट बदनाम गराएपछि  आत्महत्या गर्न बाध्य बनाएको आरोप लागेको छ ।

निरनले ‘मनोज कार्की’ नामक फेसबुक एकाउन्ट खोलेर सन्ध्याको चरित्रहत्या गर्ने विभिन्न आपराधिक कुरा पोस्ट गरेका थिए ।वालिकाको दाजु दीपक रोक्काले भदौ १ गते दिएको किटानी जाहेरीका आधारमा कार्कीलाई पक्राउ गरिएको प्रहरीको भनाइ छ।

उनीहरूले सन्ध्यालाई शारीरिक तथा मानसिक याताना दिएर आत्महत्या गर्न बाध्य पारेको दीपकको दाबी छ।