बाबुआमा गुमाएको बालबालिकाहरुलाई शैक्षिक सामग्री वितरण

नवराज नेपाल, सिन्धुपाल्चोक- बागमती प्रदेश सरकार बाट आएको रु ७२ हजार रकम बलेफि गाउँपालिकाले बाबुआमा गुमाएको बालबालिकाहरुलाई किताब कापि, ब्याक लगायतको शैक्षिक सामग्री वितरण गरेको छ ।
उक्त शैक्षिक सामग्री वितरण कार्यक्रममा बलेफि गाउँ पालिका का उपप्रमुख सरू तामाङ र बलेफि गाउँ पालिका वडा न ५ का वडा अध्यक्ष यादब ठकुरि सहितको उपस्थितिमा बालबालिकाहरुलाई पाठ्य पुस्तक तथा शैक्षिक सामग्री वितरण गरिएको हो ।

उक्त कर्यक्रमा आमा बुबा गुमाएका ९ जना विद्यार्थीहरुले उक्त शैक्षिक सामग्री पाएका थिए। कार्यक्रममा बोल्दै उपप्रमुख तामाङले आफ्नो पालिका भित्रका कुनैपनि बुबा गुमाएका बालबालिकाहरु पढ्न बाट बन्चित नहुने जानकारी दिनुभयो । सरकारले सबैभन्दा बढि लगानी शिक्षा क्षेत्रमा गरेकाले विद्यार्थीको शैक्षिक स्तर वृद्धि गर्न, वालवालिकाको ज्ञान, सिपको विकास साथै सकरात्मक भावनाको विकास गर्न यस्ता कार्यक्रमले महत्वपुर्ण भुमिका खेल्ने पनि उपप्रमुख तामाङले बताउनुभयो ।

त्यस्तै बलेफि ५ वडा अध्यक्ष यादब ठकुरिले वडा र पालिकामा अभिभावक बिहिन बालबालिकालाई जुन सुकै हालतमा सकेको सयोग गर्ने बताउनुभयो । ठकुरीले आफ्नो वडा बासीलाई जस्तोसुकै परिस्थितिमा पनि साथ सहयोग गर्दै आएको र आगामी दिनमा समेत सहयोग गर्दै जाने प्रतिबद्धता समेत ब्यक्त गरेका छन ।

अध्यक्ष ठकुरिले यस अघि केही वर्ष अघि आफ्ना दुबै आमा बुबा गुमाएका वडा नंं ५ कै गुर्दुमका तिन बालबालिकाहरुलाई गाँस, बास, कपास ,शिक्षा, स्वास्थ्य लगायत सम्पूर्ण ब्यबस्था सहित Nepalese Home मा राख्नको लागि ब्यबस्था गरेका थिए।