साताको पहिलो कारोबार दिन आइतबार शेयरबजार परिसूचक नेप्सेमा झण्डै २० अंकको गिरावट आएको छ । नेपाल स्टक एक्सचेञ्जका अनुसार आज नेप्से सूचक १९.८५ अंकले घट्दै २ हजार ६९४.२० बिन्दुमा झरेको हो ।
अघिल्लो साताको अन्तिम कारोबार दिन बिहीबार नेप्से सूचक १७ अंकमाथिले घटेर बन्द भएको थियो ।
आज नेप्से सूचकसँगै कारोबार पनि घटेको छ । गत बिहीबार १४ अर्ब ५६ करोड ३१ लाख रुपैयाँ बराबरको शेयर कारोबार हुँदा आज कारोबार घट्दै ९ अर्ब १० करोड ९४ लाख रुपैयाँ बराबरको २ करोड २० लाख ६० हजार कित्ता शेयर दोस्रो बजारमा किनबेच भएको छ ।
