प्रताप बैधको प्यानल बाट महासचिवमा यश कुमार रंजित व्यवसायीहरुको हकहित र अधिकार सुनिश्चित : यश कुमार रंजित

काभ्रेपलान्चोक – काभ्रे उद्योग बाणिज्य संघमा प्रताप बैधको टोलि बाट महासचिवमा यश कुमार रंजितले उम्मेदवारी दिएका छन् ।

व्यवसायीहरुको हकहित र अधिकार सुनिश्चित र संरक्षण गर्दै व्यवसायलाई समाजसँग जोड्न मेरो उम्मेदवारी हो यश कुमार रंजितले भने । आम व्यवसायीको हकहितका लागि गरेका काम होस् या जिम्मेवारीमा हुँदा वा नहुँदा निरन्तर व्यवसायीसँगै बसेर मैले काम गरेको छु । यो व्यवसायीका सामु घाम जत्तिकै छर्लङ्ग छ । यही आम मतदाताले मलाई विश्वास गर्ने रंजितले बताए ।

यही जेठ १९ गते सम्पन्न हुन गइरहेको काभ्रे उद्योग बाणिज्य संघको ४२ औं अधिवेशनका लागि प्रताप बैद्यले आफ्नो प्यानल सार्वजनिक गरेका छन्।काभ्रे उद्योग बाणिज्य संघको अध्यक्ष पदका उम्मेदवार प्रताप बैद्यले आफ्नो प्यानल सार्वजनिक गरेका हुन् ।

बैद्यको प्यानलबाट वरिष्ठ उपाध्यक्षमा ग्रुबेन तौजले ,उपाध्यक्षहरुमा उमेश शाक्य र बिकाश शर्मा ,महासचिबमा यशकुमार रंजित, कोषाध्यक्षमा मानकाजी प्रधान ,मुख्य संयोजक राजेश कुमार श्रेष्ठ,सचिब कृष्णलाल श्रेष्ठ ,सह मुख्य संयोजक भिम आचार्य ,सह कोषाध्यक्षमा श्याम कुमार भालु र सह सचिबमा सरोज श्रेष्ठले उमेद्वारी दिने भएका छन्।