काठमाडौं- आगामी सोमबारदेखि सुरु हुने नेपाल प्रिमियर लिग (एनपीएल) क्रिकेटको दोस्रो संस्करणका लागि टिकटको मूल्य निर्धारण गरिएको छ। नेपाल क्रिकेट संघ (क्यान) ले बिहीबार विज्ञप्ति जारी गर्दै टिकट दर सार्वजनिक गरेको हो।
क्यानका अनुसार, पहिलो चरणमा प्रतियोगिताको पहिलो ६ दिनका खेलहरूको लागि मात्र टिकट बिक्री खुला गरिएको छ।
टिकटको मूल्य विवरण (रु. मा):
| खेलको प्रकार | साधारण (Regular) टिकट | प्रिमियम (Premium) टिकट |
| उद्घाटन र शनिबारको खेल | ५०० | १५०० |
| अन्य दिनका खेल | ५०० | १००० |
| प्लेअफ र फाइनल | १००० | २००० |
क्यानले प्रतियोगिता भरीका खेलहरू हेर्नका लागि सिजनल पास (Seasonal Pass) को व्यवस्था पनि गरेको छ। प्रतियोगिताभरिलाई हुने उक्त पासको मूल्य १५ हजार रुपैयाँ तोकिएको छ।
यो टिकट दर निर्धारणसँगै एनपीएलको दोस्रो संस्करणका खेलहरू हेर्न चाहने क्रिकेट प्रेमीहरूले अब तोकिएको मूल्य तिरेर मैदानमा उपस्थित हुन सक्नेछन्।
सम्बन्धित खवर
