तेस्रो काव्य म्युजिक अवार्ड बाट सम्मानित हुने र अवार्ड प्राप्त गर्ने व्यक्ति तथा विधाहरू (हेर्नुहोस्)

काठमाडौं-  तेस्रो काव्य म्युजिक अवार्ड २०८१ को अवार्ड कार्यक्रम यहि असार २२ सनिबार गते हुने भएको छ ।यस पटकको अवार्ड पृथक रहेको आयोजक पक्षले वताएको छ ।

माननीय संसद राजेन्द्र प्रसाद लिङ्देन को प्रमुख आतिथ्यतामा असार २२ गते शनिबार राष्ट्रिय नाचघर जमलमा सम्पन्न हुने म्युजिक अवार्ड २०८१ बाट देशका ख्याति प्राप्त कलाकार साहित्यकार पत्रकार लगायत विभिन्न तह र तप्कामा रहेर नेपाली कला र संस्कृतिलाई जगेर्ना गर्न अहोरात्र खटिनु हुने अग्रजदेखि अनुजसम्मलाई अवार्ड र सम्मानद्वारा सम्मानित गर्ने आयोजकले बताएको छ। साथै उक्त कार्यक्रम भने चर्चित सञ्चारकर्मी एवं काव्य म्युजिक अवार्डका सञ्चालक शिवराम भण्डारीले सञ्चालन गर्ने भएका छन्।

तेस्रो अवार्डमा उत्कृष्ठ पाँच मनोनितलाई एकसाथ स्टेजमा आमन्त्रण गरेर उत्कृष्ठ पाँच छनौट भएको प्रमाणपत्र हस्तान्तरण गरेर पाँच मनोनितलाई गोलाप्रथामा सहभागि गराउने साथै जसको हातमा विजेताको कुपन पर्दछ, कुपन पर्नेलाई नै स्टेजमा अवार्ड वितरण गरिने भएको छ ।

यदि समारोहमा उत्कृष्ठ पाँच मनोनित मध्य एक जना अनुपस्थित भए चार जना मात्रै सहभागि हुने र यदि उत्कृष्ठ पाँच मनोनित मध्य एक जना मात्रै उपस्थित भए सिधै उपस्थित एक ले नै अवार्ड हात पार्ने अवार्डका निर्देशक रमेश श्रेष्ठले जानकारी दिए ।नेपालमै यस्तो प्रक्रियाको अवार्ड पहिलो पटक हुन लागेको निर्देशक श्रेष्ठले वताए ।

अवार्डहरुको भिडमा फरक ,विकृतिरहित तथा स्वच्छ तरिकाले कार्यक्रमको तयारी भैरहेको र छिट्टै फाइनलको घोषणा गरिने आयोजक काव्य म्युजिक सेन्टरले  वताएको छ