हरि थापाको विशेष पहलमा बनेपा ५ मिजार टोलमा खाद्यान्न सहयोग

काभ्रेपलान्चोक – बेलायतमा रहेको माइला कान्छा मानवीय सहयोग समुह र नेपाल तरुण दल निवर्तमान केन्द्रिय सदस्य सुधीर बैधको समुहले संयुक्त रुपमा आर्थिक अवस्था कम्जोर भएका बनेपा नगरपालिका वडा ५ मिजार बस्तीमा खाद्यान्न सहयोग गरेको छ । आज बनेपा नगरपालिका वडा नं. ५ निवासी व्यक्तिहरु लाई खाद्यान्न सहयोग गरिएको हो ।

बनेपा इन्द्र शोभा क्लबका अध्यक्ष नेपाली कांग्रेसका युवा नेता सामाजिक अभियान्ता हरि थापाको विशेष पहलमा आर्थिक रुपामा विपन्न परिवार लाई खाद्यान्न सहयोग गरिएको थियो ।

बेलायतबाट नेपालमा पटक पटक सामाजिक अभियान अन्तर्गत आर्थिक अवस्था कमजोर भएका व्यक्तिहरु लाई सहयोग गर्दै आउनु भएको माइला कान्छा मानवीय सहयोग समुहको तर्फबाट पार्बती गुरुङ, माया गुरुङ र सुधीर बैधको समुहले खाद्यान्न सहयोग गर्नु भएको थियो ।

सुधीर बैध, हरि थापा, नेपाल तरुण दल काभ्रे जिल्ला उप-सभापति बिजेन रंजित, नेपाल तरुण दल बनेपा नगर सभापति विवेक बैजुको हात बाट बनेपा ५ मिजार टोल निवासीहरु लाई खाद्यान्न सहयोग गरिएको थियो । आर्थिक अवस्था कम्जोर भएका मानिसहरु लाई खाद्यान्न स्वरुप ५२ प्याकेट चामल हस्तान्तरण गरिएको छ ।

उक्त सहयोग नेपाली कांग्रेस बनेपा ५ वडा सभापति देवराज केसि लगायत अन्य व्यक्तिहरु उपस्थितमा खाद्यान्न सहयोग प्रदान गरिएको थियो । सहयोग हस्तान्तरण कार्यक्रम पछि विशेष सहयोगी हातहरु लाई धन्यवाद दिदै आगामी दिन पनि यस्ता सहयोग कार्यक्रम लाई निरन्तरता दिनको लागि नगर सभापति विवेक बैजुले अनुरोध गर्नु भयो । उक्त कार्यक्रममा बनेपा नगरपालिका वडा नं. ५ निवासी एक अशक्त, मानसिक सन्तुलन गुमाएको व्यक्ति लाई निवर्तमान केन्द्रिय सदस्य सुधीर बैधले पाँच हजार नगद समेत हस्तान्तरण गर्नु भएको थियो ।