पानी नपरेपछि काठमाडौं उपत्यकालगायत देशका प्रमुख सहरको वायुको गुणस्तर ओह्रालो लाग्न थालेको छ।काठमाडौं उपत्यकामा प्रदूषण बढ्न थालेको वातावरण विभागले अद्यावधिक गरेको विवरणमा उल्लेख छ।विभागले जनाएअनुसार भक्तपुरको हावाको स्वच्छता सूचकांक (एक्युआई) खस्किएको छ।
पछिल्लो २४ घन्टामा भक्तपुरको एक्युआई १२७ पुगेको छ। पछिल्लो एक घन्टामा भक्तपुरको एक्युआई १३३, काठमाडौं शंकखपार्कको १२६, रत्नपार्कको १२४, ललितपुर खुमलटारको ११७ पुगेको छ।एक्युआई श्रेणीअनुसार शून्यदेखि ५० सम्म स्वच्छ, ५१ देखि एक सयसम्म सामान्य, १०१ देखि एक सय ५० सम्म सम्भावित जोखिम, १५१ देखि २ सयसम्म अस्वस्थकर, दुई सय एकदेखि तीन सयसम्म अत्यधिक अस्वस्थकर र तीन सय एकभन्दा माथि खतरनाक मानिन्छ।
अहिले काठमाडौं उपत्यकामा पुगेको जोखिमयुक्त हो। संवेदनशील उमेर समूह र अवस्थाकालाई यसले प्रभावित तुल्याउँछ।
